Pavlodar oblysynda jeńil kólik júk kóliginiń tirkemesine soǵylyp, bir adam mert boldy

PAVLODAR. KAZINFORM - «Qyzylorda – Pavlodar» avtojolynda qatty jyldamdyqpen kele jatqan «Nıssan Kashkaı» avtokóligi kómir tıelgen KamAZ-dyń tirkemesine soǵylǵan. Oqıǵa saldarynan jeńil mashınadaǵy jolaýshy áıel kóz jumdy.

Aqsý qalasy Qalqaman aýylynyń mańyndaǵy «Qyzylorda – Pavlodar» avtojolynda «Nıssan Kashkaı» markaly avtokóligi saǵatyna 160 km jyldamdyqpen kele jatyp, kómir tıelgen «KamAZ» tirkemesine soǵylǵan.

- Jol - kólik oqıǵasy saldarynan Nıssan avtokóliginiń jolaýshysy oqıǵa ornynda kóz jumdy. Júrgizýshi men jas bala túrli jaraqattarmen aýrýhanaǵa jatqyzyldy. Abyroı bolǵanda kólik salonyndaǵy balada arnaıy ustaý qurylǵysy bolyp, aman qalǵan. Jol júrý erejelerine sáıkes, 7 jasqa deıingi balalar kólik júrgizý kezinde avtomobıl salonynda tek avtokresloda nemese avtolıýlkada (sábıler úshin) bolýy kerek. Mundaı qurylǵylardyń negizgi maqsaty-balany sapar kezinde jáne soqtyǵysý kezinde qorǵaý. Balalardy eresekterdiń qolynda tasymaldaýǵa tyıym salynady. Apat bolǵan jaǵdaıda balanyń salmaǵy edáýir artady jáne statıstıka kórsetkendeı, ony qolynda ustaý óte qıyn. Bul jaraqatqa ákelýi múmkin,-dep habarlady óńirlik polıtsııa departamentiniń baspasóz qyzmetinen.

Oblysta jyl basynan beri belgilengen jyldamdyq rejımin buzǵany úshin 54,5 myń júrgizýshi jazalanǵan. 100-den astam júrgizýshi balalardy ustaý qurylǵysyn paıdalanbaǵany úshin jaýapqa tartyldy.

Eske sala keteıik, taǵy 6 óńirde kólik qozǵalysyna shekteý qoıyldy.