Pavlodar oblysynda jastardy jumyspen qamtýǵa basymdyq berilip otyr

PAVLODAR. KAZINFORM — Qurylatyn jumys oryndarynyń 71%-y turaqty bolady. Jas kásipkerlerge qaıtarymsyz granttar úlestirý arqyly bıznes-ıdeıalardy qoldaý kózdelgen.Bılik organdary jumyspen qamtýdyń óńirlik jol kartasynda turaqty eńbek oryndarynyń kóbirek bolýyna jáne negizinen jastardyń qamtylýyna kóńil aýdaratyny baıqalady.

«Pavlodar oblysynda jumyspen qamtýdyń jol kartasy aıasynda 26,6 myń jumys ornyn qurý kózdelgen, onyń 71%-y turaqty. Deıturǵanmen bul kórsetkishti biz asyra oryndaımyz dep úmittenemiz. Byltyr 25,2 myń adamdy eńbek oryndarymen qamtý josparda bolǵanymen shyn máninde 30,6 myń adam eki qolǵa — bir kúrek tapty. Qurylǵan jumys oryndarynyń 20,1%-y -saýda-sattyq, 13,3% — aýyl sharýashylyǵy, 11,3% — bilim jáne 107%-y ónerkásip salalarynda. Jas kásipkerlerdi qoldaýǵa basymdyq beriledi.  «Agrarlyq nesıe korporatsııasy» arqyly mólsherlemesi 2,5%-ben jalpy somasy 820 mln teńge bólinedi. Bul 164 jas kásipkerdiń óz jobalaryn júzege asyrýyna múmkindik týdyrady», - dep málimdedi óńirlik jumyspen qamtýdy úılestirý jáne áleýmettik baǵdarlamalar basqarmasynan.

Buǵan qosa aýyl sharýashylyǵy salasynda da shaǵyn nesıeler beriledi. Al ózderiniń ınnovatsııalyq bıznes-ıdeıalaryn usynatyn azamattar 1,4 mln teńgelik qaıtarymsyz granttardy ıelene alady. Mundaı múmkindikke 443 azamat iligedi degen jospar bar.

Qazirgi ýaqytta Pavlodar oblysynda bilim, aýyl sharýashylyǵy, medıtsına salalarynda mamandar tapshylyǵy seziledi.