Pavlodar oblysynda veıpten túsken aqshaǵa alynǵan 12 mln teńgelik kólik tárkilendi
ASTANA. KAZINFORM — Pavlodar oblysynda veıpti zańsyz satýǵa qatysy bar kúdiktiniń qylmystyq jolmen alynǵan qarajatqa satyp alǵan kóligi sot sheshimimen tárkilendi.
Prokýratýranyń ótinishhaty boıynsha sot quny 12,3 mln teńge bolatyn KIA avtokóligin sotqa deıin tárkileý týraly sheshim qabyldady.
2025 jyly óńirde elektrondyq tutyný júıelerin zańsyz satýmen aınalysqan qylmystyq toptyń qyzmeti toqtatylǵan. Qazir top múshelerine qatysty qylmystyq is sotta qaralyp jatyr.
Aıyptalýshylardyń biri qylmystyq qýdalaý organdarynan jasyrynǵan. Oǵan halyqaralyq izdeý jarııalanǵan.
Tergeý barysynda onyń zańsyz jolmen tapqan qarajatyna KIA avtokóligin satyp alǵany anyqtalǵan. Prokýrordyń ótinishhaty boıynsha sot kólikti tárkiledi.
Sotqa deıingi tergep-tekserý jalǵasyp jatyr.
Eske salaıyq, munyń aldynda Qaraǵandyda jarty mlrd teńgeden asatyn veıp ónimderiniń iri partııasy joıylǵanyn habarlaǵan edik.
