Pavlodar oblysynda úlken dúken órtenip ketti

ASTANA. KAZINFORM — Pavlodar oblysynyń qutqarýshylary jeke turǵyn úıdegi órtti sóndirdi, dep habarlaıdy TJM baspasóz qyzmeti.

Búgin túnde kezekshiniń pýltine Pavlodar oblysy Ertis aýylynda dúkenniń janyp jatqany týraly habarlama kelip tústi. Oqıǵa ornyna kelgen órt sóndirýshiler dereý bir qabatty dúkendegi qyzyl jalyndy sóndirýge kiristi.

— Otty aýyzdyqtaý jumystaryna ekpindi jel men boran kúrdelendirdi. Saǵat 07:22–de jalpy 470 sh. m. aýdandy sharpyǵan órt tolyǵymen sóndirildi. Zardap shekkender joq, — delingen vedomstvo taratqan aqparatta.

Eske salsaq, keshe Semeıde úsh qabatty monsha kesheni órtengeni habarlandy.

Sonymen qatar, Aqtóbe oblysy Mártók aýdany Saryjar aýylynda tikushaq apatqa ushyryp, janyp ketkeni belgili boldy.

Ókinishke qaraı, ekıpajdaǵy adamdardyń bireýi oqıǵa ornynda kóz jumǵany anyqtaldy.