Pavlodar oblysynda turǵyn úılerdi sý basý qaýpi tolyǵymen joıyldy

ASTANA. KAZINFORM – Pavlodar oblysynda turǵyn úılerdi sý basý qaýpi tolyǵymen joıyldy. Bul týraly Pavlodar oblysy ákimi apparatynyń basshysy Dıdar Ibraev aıtty.

«Pavlodar oblysynda turǵyn úılerdi sý basý qaýpi tolyǵymen joıyldy. Oblystyq shtab táýlik boıy jumys isteýde. Qazirgi tańda jaǵdaı turaqty. Búgingi tańda sý tasqynynan zardap shekken turǵyndardyń barlyq ótinimderi tolyq kólemde óteldi. Demeýshilik qarajat esebinen 98 mln teńgege 120 otbasy ótemaqy aldy», — dedi ol Ortalyq kommýnıkatsııalar qyzmetindegi brıfıngte.

Apparat basshysynyń atap ótýinshe, óńirde qalpyna keltirýge kelmeıtin 7 úı tirkeldi. Onyń ishinde eki otbasyǵa sol eldi mekende basqa turǵyn úı satyp alyndy.

«Al, qalǵan 5 otbasy úshin jańa úılerdiń qurylysy bastaldy. Jumystardy 3 aıda aıaqtaýdy josparlap otyrmyz. Degenimen, biz osymen shektelmeı, ári qaraı sý tasqynynan zardap shekken barlyq eldi mekendi anyqtaý jumystaryn jalǵastyrýdamyz», — dedi Dıdar Ibraev.