Pavlodar oblysynda tótenshe jaǵdaı rejımi jarııalanady
ASTANA. KAZINFORM — Oblystyń úsh qalasynda jáne birqatar aýdanynda TJ rejımi ornatylady, dep habarlaıdy Pavlodar oblysy ákimdiginiń baspasóz qyzmeti.
Ákimdik málimetinshe, jergilikti atqarýshy organdar óńirdiń birqatar eldi mekeninde soqqan daýyldy jeldiń saldarynan keltirilgen zalaldy baǵalaý boıynsha jumystar júrgizip jatyr. Komıssııalar zalal keltirilgen oryndarǵa baryp, zardap shekken azamattardan ótinishter qabyldaýdy júzege asyrady.
— Oblystyq tótenshe jaǵdaılar jónindegi komıssııa otyrysynyń qorytyndysy boıynsha oblystyń úsh qalasynda jáne birqatar aýdanynda TJ rejımi jarııalanady, — delingen habarlamada.
Sonymen qatar 20-30 maýsym aralyǵynda apattyń saldaryn joıý boıynsha ótinishter qabyldanatyn bolady. Pavlodarda ótinimder kelesi telefon nómirleri arqyly qabyldanady: 109, 112, 32-36-92.
— Daýyldan zardap shekken jeke úılerdiń turǵyndary — azamattardyń jekelegen sanattary úshin 100 AEK (393 200 teńge) mólsherinde birjolǵy áleýmettik kómek kózdelgen, — dep atap ótti vedomstvo.
Tólemdi alý úshin tómendegi qujattardy usyný qajet:
— TJB anyqtamasy (6 aı boıy jaramdy);
— múlikke quqyq belgileıtin qujattar;
— banktik shottyń bolýy týraly habarlama;
— jeke kýálik (kóshirmesi jáne túpnusqasy).
Qujattardy tapsyryp, qajetti keńesterdi kelesi mekenjaılar boıynsha alýǵa bolady:
Pavlodar qalasy, Krıvenko kóshesi, 25 — Open Pavlodar front-keńsesi, № 3 ústel;
Aqsý qalasy — Pýshkın kóshesi, 70/2;
Ekibastuz qalasy — Energetıkter kóshesi, 62 tel: 34-77-04, 87757100291(WhatsApp);
Baıanaýyl aýdany — Baıanaýyl aýyly, Q. Sátbaev, 45. Azamattardy qabyldaý ortalyǵy, tel: 87779393500, 87712168242, 87184091203;
Pavlodar aýdany — Qaıyrbaev kóshesi, 32., tel. 8 (705-15) 2-79-67, 32-20-89;
Maı aýdany — Kóktóbe aýyly, Abylaıhan kóshesi, 34, 87473708518.
Buǵan deıin Pavlodar oblysyndaǵy daýyldy jeldiń saldarynan bir adam qaza tapty, 16 adam jaraqat alǵanyn jazǵan edik. Aqsý qalasynda qatty jelden qulaǵan aǵash áıeldi mert qyldy.
Sondaı-aq keshe aýa raıynyń qolaısyzdyǵyna baılanysty Ekibastuz energııa torabynda 500 kV elektr jetkizý jelisi apattyq jaǵdaıda ajyratyldy.