Pavlodar oblysynda taýǵa shyǵyp, túse almaı qalǵan tórt týrıst qutqaryldy
ASTANA. KAZINFORM – Bul týraly QR Tótenshe jaǵdaılar mınıstrliginiń baspasóz qyzmeti málim etti.
- Pavlodar oblysy Baıanaýyl memlekettik ulttyq parkiniń aýmaǵynda, Jasybaı kóli aýdanynda tórt adam taýǵa shyǵyp, ózdiginen túse almaı qıyn jaǵdaıǵa tap boldy, - delingen habarlamada.
Mınıstrliktiń baspasóz qyzmetiniń habarlaýynsha, týrıster kúndiz taý shyńyna kóterilip, túsý kezinde qıyndyqtarǵa tap bolǵan.
- Olar qutqarýshylardyń kómegine júgindi, Pavlodar oblysy Jedel-qutqarý jasaǵynyń qutqarýshylary dereý oqıǵa ornyna shyqty. TJM qutqarýshylary arnaıy jabdyqtar men jaryqtandyrý quraldaryn qoldana otyryp, taýly jerlerde izdestirý jumystaryn júrgizdi. Nátıjesinde tórt adam da taýdan aman-esen túsirildi. Medıtsınalyq kómekke eshkim de muqtaj bolǵan joq, - dep habarlady mınıstrliktiń baspasóz qyzmeti.
Osyǵan deıin TJM qutqarýshylary Almaty taýynda jaralanǵan týrıstke kómek kórsetkeni týraly jazdyq.
