Pavlodar oblysynda tamyz aıy ystyq ári jaýyndy-shashyndy bolady dep kútilýde
PAVLODAR. KAZINFORM – Tamyz aıynda Pavlodar oblysy aýmaǵynda aýa temperatýrasy keı kúnderi +36 gradýsqa deıin kóteriledi dep boljanyp otyr. Aı boıy aýa raıy qubylmaly bolady.
«Qazgıdromet» RMK málimetinshe, Ertis-Baıan óńiriniń basym bóliginde tamyn aıynda aılyq ortasha aýa temperatýrasy +17…+19 gradýs shamasynda bolady dep kútilýde. Bul ádettegi normaǵa jýyq.
- Tamyz aıynyń basynda aptap ystyqtar basylyp, temperatýranyń tómendeýi boljanýda. Túnde +11…+16 gradýstan +2…+7 gradýsqa deıin, kúndiz +27…+32-den +18…+23 gradýsqa deıin tómendeıdi, - dep habarlady mekemeden.
Al alǵashqy onkúndiktiń sońynda temperatýranyń kóterilýi yqtımal. Ystyq 20 tamyzǵa deıin saqtalady. Túnde termometr baǵany +10…+15 gradýsqa, kúndiz +28…+33 gradýsqa deıin kóteriledi.
Óńirdegi temperatýranyń qubylmalylyǵy tamyzdyń sońynda da saqtalady: túnde +6…+11 gradýs bolsa, kúndiz +31…+36 gradýsqa deıin qubylady.
Aýa raıyn boljaýshylar ótkinshi jańbyr jıi jaýyp, naızaǵaı jıi oınaıtynyn eskertedi. Sondaı-aq sekýndyna 15-20 metrge deıin soǵatyn jel jıi kútiledi. Aıdyń basy men ortasynda burshaq jaýýy múmkin. Ekpindi daýyl da birneshe márte qaıtalanýy yqtımal.
Eske sala keteıik, Ekibastuzda qatty burshaq pen daýyldan keıin tótenshe jaǵdaı rejımi jarııalanýy múmkin.
