Pavlodar oblysynda tabıǵat qorǵaý zańnamasyn buzǵan 35 derek tirkeldi

PAVLODAR. KAZINFORM - Ertis-Baıan óńirinde brakonerlik derekterdiń, bıologııalyq resýrstardyń zańsyz aınalymynyń aldyn alýǵa baǵyttalǵan «Brakoner» jedel-profılaktıkalyq is-sharasy ótti. Polıtseıler tabıǵat qorǵaý zańnamasyn buzǵan 35 jaǵdaıdy anyqtady.

Tártip saqshylary zańsyz ań aýlaǵan jáne aǵash kesken turǵyndardy anyqtap, olarmen jumys istegen. Zań buzǵandardan tyıym salynǵan balyq aýlaý quraldary, keskish quraldar tárkilengen. Quqyq buzýshylardyń avtokólik quraldary kommýnaldyq turaqtarǵa qoıyldy.

- Ertis aýdanyndaǵy Ertis ózeniniń jaıylmasynda aýyl turǵyny tyıym salatyn quralmen, atap aıtqanda Qytaı óndirisiniń mono aýymen balyq aýlaǵan. Polıtseıler mono aý men burǵyny tárkiledi. Ýspen aýdany Lozovoe aýylynyń turǵyny sý qoımasynda alkogol iship, balyq aýlaý erejelerin buzǵan. Sot sheshimi boıynsha árqaısysyna 10 aılyq eseptik kórsetkish mólsherinde aıyppul salyndy, - dep habarlady Pavlodar oblysynyń polıtsııa departamentinen.

Polıtseıler balyq aýlaý erejelerin buzǵany úshin 10-nan 100 aılyq eseptik kórsetkishke deıin aıyppul salynatynyn eskertedi. Eger zań buzý bir jyl ishinde qaıtalansa, aıyppul mólsheri 20-dan 150 aılyq eseptik kórsetkishke deıin artady.

Eske sala keteıik, Almaty oblysynda qaraquıryqty atyp alǵan brakonerler ustaldy.