Pavlodar oblysynda soǵys ardagerlerine 10 myń dollardan berildi
PAVLODAR. KAZINFORM — Búginde óńir boıynsha kózi tiri nebári 4 ardager qalǵan.
Jeńis kúni aıasynda qart maıdangerler men olarǵa teńestirilgen sanattaǵy azamattarǵa birrettik áleýmettik tólem aýdarylǵan.
Oblysta árbir ardagerge 5 mln teńge kóleminde birjolǵy tólem berildi.
— Ekinshi dúnıejúzilik soǵys qatysýshylaryna 5 mln teńge kóleminde birjolǵy tólemder qarastyrylǵan, bul 10 myń AQSh dollarynan asady. Qazirgi ýaqytta bul tólemder tolyq kólemde júrgizildi. Qarajat aýdan-qalalardyń bıýdjetinen bólingen. Oblysta qazirgi tańda 4 soǵys ardageri turyp jatyr, — dep habarlady oblystyq jumyspen qamtýdy úılestirý jáne áleýmettik baǵdarlamalar basqarmasynan.
Ardagerler Marııa Matıýshına men Vasılıı Grıgorash bıyl 100-ge keldi. Al Nıkolaı Stýpko men Sergeı Vyjýtovıchtiń jastary 99-da.
Sondaı-aq Jeńiske úles qosqan azamattardyń ózge de sanattaryna qosymsha áleýmettik tólemder júrgizilgen.
Atap aıtqanda:
— kontslagerler tutqyndaryna (tutqyn kezinde kámeletke tolmaǵandarǵa) — 200 000 teńge;
— Soǵys jyldary tylda eńbek etkenderge — 100 000 teńge;
— Lenıngrad qorshaýynda bolǵandarǵa — 150 000 teńge;
— Qaıtys bolǵan soǵys ardagerleriniń jesirlerine — 60 000 teńge.
Jalpy alǵanda, bul tólemderdi 2223 adam alypty.
Buǵan deıin Túrkistan oblysynda qansha ardager turyp jatqanyn zerdelep kórgen edik.
