Pavlodar oblysynda shybyn-shirkeıdi ýlaý jumystaryna daıyndyq bastaldy

PAVLODAR. KAZINFORM - Bıyl shybyn-shirkeıge qarsy kúreske 182 myń kg bıologııalyq preparat qoldaný josparlanǵan.

Áýeden óńdeletin aýmaqtyń jalpy kólemi 127 myń gektardan 172 myń gektarǵa deıin ulǵaıtylmaqshy. Bul ótken jylmen salystyrǵanda 45 myń ga artyq. Áýeden óńdeý jumystaryna 10 ushaq tartylady.

Qazirgi ýaqytta 20 myń kg kóleminde «Baktıtsıd» bıopreparatynyń birinshi partııasy jetkizildi. 2 sáýirde oblys ortalyǵyna osy preparattyń taǵy 20 myń kg jetkizý josparlanýda. Qalǵan 142 myń kg preparat sáýir aıynyń birinshi onkúndiginde jetkiziledi.

- Ýlaý jumystaryna qosymsha Aqsý qalasynyń aýyldyq aımaǵynyń soltústik-batys bóliginen 15 myń gektar jáne Ertis aýdanynyń jaıylma alqabynan 30 myń gektar qosylǵan. Óńdeletin aýmaqtyń keńeıýi preparattardyń da kólemin ulǵaıtýdy talap etti. Bıyl shybyn-shirkeıge qarsy kúreske 182 myń kg bıologııalyq preparat qoldaný josparlanǵan,-dep habarlady oblys ákiminiń baspasóz qyzmetinen.

Hımııalyq preparattardyń da kólemi ósken - 14,5 myń lıtr paıdalaný josparlanýda. Onyń ishinde 9,2 myń lıtr - áýeden óńdeýge, 5,3 myń lıtr - tosqaýyldy óńdeýge jumsalady.
Hımııalyq preparattar sáýirdiń ekinshi onkúndiginde jetkiziledi dep kútilip otyr.

Mamandar shybyn-shirkeıdi ýlaý jumystarynyń merzimin ázirshe belgilegen joq.

Eske sala keteıik, 2024 jyly Pavlodarda shybyn-shirkeıge qarsy ýlaý jumystary shildeniń ortasyna deıin jalǵasqan edi.