Pavlodar oblysynda shegirtkege qarsy kúreske 90 mln teńgege jýyq qarjy bólindi

PAVLODAR. KAZINFORM - Óńirde jalpy aýmaǵy 48 myń gektar jer zııankesterge qarsy óńdeledi. Negizgi jumystar maýsym aıyna josparlanǵan.

Pavlodar bıligi shegirtkege qarsy is-sharalarǵa 89,5 mln teńge shyǵyndamaq oıy bar. Ýlaý jumystaryna 10-nan asa arnaıy tehnıka jumyldyrylady.

- 2025 jyly shegirtkeniń úıirli jáne saıaq túrlerine qarsy kúres aıasynda oblys aýmaǵynyń 48,3 myń gektar aýmaǵyn, onyń ishinde 19,6 myń gektardy shegirtkeniń ıtalııalyq prýs túrine qarsy óńdeý josparlanǵan. Bul jumystarǵa respýblıkalyq bıýdjetten 39,6 mln teńge jáne jergilikti bıýdjetten 49,9 mln teńge bólindi. Jumystyń belsendi kezeńi maýsym aıynda bastalady jáne 10-nan astam mamandandyrylǵan tehnıka tartylady,-dep habarlady oblys ákiminiń baspasóz qyzmetinen.

Aımaqta qazir shybyn-shirkeıge qarsy aýqymdy dezınsektsııalyq is-sharalar jalǵasýda. Ertistiń jaıylma alqaby men aýyldyq aýmaqtaryn qosa alǵanda, 172 myń gektar áýeden óńdeledi. Ýlaý sharalaryna zamanaýı, ekologııalyq taza jáne joǵary tıimdi preparattar qoldanylýda.

Eske sala keteıik, buǵan deıin Pavlodarda aýyl turǵyndaryn sary masa men shirkeı talap jatqany týraly jazǵan bolatynbyz.

Ǵalym Pavlodardyń keıbir aýyldarynda shybyn-shirkeıdiń ne sebepti qaptap ketkenin túsindirdi.