Pavlodar oblysynda shegirtkege qarsy 116,7 myń gektar jer óńdeldi

PAVLODAR. KAZINFORM - Fıtosanıtarııalyq qaýipsizdikti qamtamasyz etý maqsatynda 116,7 myń gektar alqapqa shegirtke zııankesterine qarsy hımııalyq óńdeý júrgizilgen. Taǵy 173,5 myń gektar jer aramshópterge qarsy hımııalyq óńdeýden ótti.

Ertis-Baıan óńiri shegirtkege qarsy óńdek josparyn 100%-ǵa oryndady. Oblys boıynsha shegirtkege qarsy 116,7 myń gektar alqap óńdeldi. 

«Buǵan qosa Omby, Novosibir oblystarynyń jáne Altaı ólkesiniń 13 aýdanymen shekaralas aýmaqtardaǵy 55,5 myń gektarǵa monıtorıngtik tekserýler júrgizildi. Karantınge jatqyzylǵan ónimdi ótkizý kezinde fıtosanıtarııalyq talaptardy buzǵany úshin 113 zań buzýshylyq anyqtalyp, 12,6 mln teńgege ákimshilik aıyppul salyndy», - dep habarlady óńir ákiminiń baspasóz qyzmetinen.

Aýmaqtyq ınspektsııaǵa, fıtosanıtarııalyq dıagnostıka jáne boljaý ortalyǵynyń oblystyq fılıalyna 2025 jyly hımııalyq óńdeýdiń boljamdy kólemi úshin egistikterdiń «septarıoz», «tot» aýrýlarymen lastanýyna, jumyrtqa salý kezeńinde shegirtke zııankesterine ýaqtyly tekserý júrgizý júktelip otyr. Sondaı-aq Reseımen jáne elimizdiń ózge de oblystarymen shekaralas aýdandarda fıtosanıtarııalyq jaǵdaıdy erekshe baqylaýda ustalýda.

Eske sala keteıik, Úıirli shegirtkemen kúreske el bıýdjetinen 8,1 mlrd teńge qarajat bólinedi.