Pavlodar oblysynda robottandyrylǵan sút-taýar fermasy salynýda

ASTANA. KAZINFORM - Pavlodar oblysynyń Kovalevka aýylynda premıým sapaly sút ónimderi shyǵarylatyn bolady, dep habarlaıdy QR AShM baspasóz qyzmeti. 

Quny 3,1 mlrd teńge bolatyn jobany «BIK» sharýa qojalyǵy iske asyrmaq.

«BIK» ShQ ósimdik jáne mal sharýashylyǵymen aınalysady, 50 myń gektardan astam egistik alqaptary bar, angýs tuqymynyń etti malyn ósiredi. Aǵymdaǵy jyly kompanııa robottandyrylǵan sút-taýar fermasyn paıdalanýǵa berýdi josparlap otyr.

«BIK» sharýa qojalyǵynyń basshysy Qýanysh Baımaǵambetovtyń aıtýynsha, 500 basqa arnalǵan sút-taýar fermasyn salý jónindegi ınvestıtsııalyq jobany iske asyrý 2022 jyly bastalǵan.

Búgingi tańda jobaǵa ınvestordyń 900,0 mln. teńgege jýyq menshikti qarajaty salyndy, SQO tájirıbesin tırajdaý jónindegi baǵdarlama sheńberinde taǵy 2,2 mlrd.teńge alyndy.

Qazirgi ýaqytta jabdyqty satyp alý týraly shartqa qol qoıyldy, qora men buzaý ornatyldy, sendvıch panelderin montajdaý júrgizilýde. Gollandııalyq Lely kompanııasy shyǵarǵan 6 robotqa tapsyrys berildi.

Qýanysh Baımaǵambetov saýyn robottaryn paıdalaný somatıkalyq jasýshalary az, sapasy joǵary sút alýǵa múmkindik beredi dep málimdeıdi.

Birinshi kezeńde saýyn mal 400 bas deńgeıinde josparlanýda. Netelderdi selektsııalyq-asyl tuqymdyq jumystyń joǵary deńgeıine shyqqan aqtóbelik «Aıs» kompanııasynan satyp alady.

Qurylys-montaj jumystary 2024 jyldyń jeltoqsanynda aıaqtalady. Fermadaǵy alǵashqy sútti 2025 jyldyń jazynda alý josparlanýda.

Aıta keteıik, SQO tájirıbesin tırajdaý baǵdarlamasy aıasynda iske asyrylyp jatqan 65 STF-nan qýattylyǵy 67 myń tonna bolatyn 16 ferma paıdalanýǵa berildi. Qalǵan jobalarmen jumys jalǵasýda.