Pavlodar oblysynda prokýrorlar ınvestorǵa 18 mln teńge bereshekti óndirip alýǵa kómektesti
ASTANA. KAZINFORM – Ýspen aýdanynyń prokýratýrasyna KH «Bık» sot sheshimimen óndirip alynýǵa tıis 18 mıllıon teńge kólemindegi materıaldyq shyǵynnyń ótelmeýine baılanysty júgindi.
Oblystyq prokýratýra málimetinshe, bul qarjy sút fermasyn salý jónindegi ınvestıtsııalyq joba aıasynda iri qara mal satyp alý úshin qajet bolǵan.
Investordyń ýájderin zerdelep, prokýratýra sot aktisiniń oryndalmaýyna baılanysty Qylmystyq kodekstiń 430-babynyń 3-bóligi boıynsha isti SDTBT AJ-ne tirkedi.
Sotqa deıingi tergep-tekserý barysynda bereshek tolyq ótelip, fermer ınvestıtsııalyq jobasyn jalǵastyryp, 20 jumys ornyn ashty. Bul aýdannyń agrarlyq sektoryn damytýǵa jáne áleýmettik-ekonomıkalyq jaǵdaıyn jaqsartýǵa eleýli úles qosady.
Aıta keteıik, Pavlodar oblysynda 59 myńnan astam adam jer kezeginde tur.