Pavlodar oblysynda memlekettik qyzmetshilerge qatysty 18 qylmystyq is tirkelgen
PAVLODAR. KAZINFORM - Qozǵalǵan qylmystyq isterdiń basym bóligi turǵyn úı-kommmýnaldyq sharýashylyǵy men qurylys, salyq, aýyl sharýashylyǵy salalaryna qatysty bolyp otyr.
Ertis-Baıan óńiriniń memlekettik qyzmet salasynda 4 myńnan adam eńbek etedi.
QR Ulttyq qaýipsizdik komıtetiniń Pavlodar oblysy boıynsha departamentiniń aqparatyna sáıkes, aımaqta 2025 jyly 14 qylmystyq is, al bıyl jyl basynan 4 qylmystyq is tirkelgen.
- Bul rette, 2025 jyly qylmystyq jaýapkershilikke tartylǵandar sany - 7 adam, jyl basynan - 1 adam. Atap aıtqanda, turǵyn úı-kommýnaldyq sharýashylyq salasy boıynsha - 3, qurylys - 3, salyq salasy - 2, aýyl sharýashylyǵy - 2, veterınarııa - 1, jer salasy - 1, qarjy - 1, memlekettik qyzmet kórsetý salasy - 1, bilim berý - 1, sport - 1, kólik baqylaý - 1, tsıfrlyq tehnologııalar salasynda 1 adam, - dep habarlady Kazinform tilshisine Ulttyq qaýipsizdik komıtetiniń óńirlik departamentinen.
Eske sala keteıik, Pavlodarda memlekettik satyp alýlar zańnamasyn buzǵan sheneýnikter jazalandy.
Sondaı-aq jol kútimine nemquraıly qaraǵan sheneýnikter jaýapkershilikke tartyldy.
