Pavlodar oblysynda memleketke myńdaǵan gektar aýyl sharýashylyǵy jeri qaıtaryldy
ASTANA.KAZINFORM - Ertis aýdany prokýratýrasy jalpy aýdany 89 myń gektar aýyl sharýashylyǵy maqsatyndaǵy jerdiń tıimsiz paıdalanylý faktilerin anyqtaǵan.
Jer resýrstary agroónerkásiptik keshendi damytýdyń negizgi faktorlarynyń biri bolyp sanalady.
Zańnamada jaıylymdarǵa túsetin eńtómengi jol beriletin júkteme boıynsha talaptar kózdelgen. Óıtkeni aýyl sharýashylyǵy janýarlarynyń jetkilikti sany jerdiń qunarlylyǵyn saqtaýǵa, mal azyǵy qoryn qalpyna keltirýge jánet opyraqtyń tozýynyń aldyn alýǵa yqpal etedi.
Prokýratýra júrgizgen taldaý nátıjesinde 54 jer paıdalanýshynyń aýyl sharýashylyǵy alqaptaryn jer zańnamasynyń talaptaryn buza otyryp paıdalanǵany anyqtaldy.
Jalpy aýdany 56 myń gektardan asatyn jer ýchaskelerine qatysty 15 derek boıynsha materıaldar sharalar qabyldaý jáne tıisti tekserýler júrgizý úshin Pavlodar oblysynyń Jer resýrstaryn basqarý departamentine joldandy. Qabyldanǵan sharalardyń nátıjesinde kadastrlyq quny 18 mıllıon teńgeden asatyn 2 531,2 gektar jaıylymdyq jer memleket menshigine qaıtaryldy. Qaıtarylǵan jer ýchaskeleri Ertis aýdanynyń arnaıy jer qoryna engizildi.
Aldaǵy ýaqytta olar zańnamada belgilengen tártippen azamattarǵa sharýa jáne fermer qojalyqtaryn júrgizý úshin beriletin bolady.
Aıta keteıik, Qostanaı oblysynda quny 582 mln teńge bolatyn jer memleketke qaıtaryldy.
