Pavlodar oblysynda memleket menshigine 2 myń gektardan astam jer qaıtaryldy
ASTANA.KAZINFORM – Pavlodar oblysy Baıanaýyl aýdanynyń prokýratýrasy aýyl sharýashylyǵy maqsatyndaǵy jerlerdi paıdalaný barysynda jer zańnamasy buzylǵanyn anyqtady.
Tekserý barysynda birqatar jer paıdalanýshy jaldaý merzimi aıaqtalǵanyna qaramastan, jer ýchaskelerin memleket menshigine qaıtarmaı, paıdalanýdy jalǵastyrǵany belgili boldy. Atap aıtqanda, «Rymjan» sharýa qojalyǵy Qyzyltaý aýyldyq okrýginiń aýmaǵynda ornalasqan kólemi 680,4 gektar jer ýchaskesin zańsyz paıdalanǵan.
Prokýrorlyq qadaǵalaý aktisi boıynsha anyqtalǵan zań buzýshylyqtar joıyldy. Oblystyq prokýratýra málimetinshe, qabyldanǵan sharalardyń nátıjesinde memleket menshigine kadastrlyq quny 16 mln teńgeden asatyn 2 myń gektardan astam aýyl sharýashylyǵy maqsatyndaǵy jer qaıtaryldy.
Aıta keteıik, Jambyl oblysynda bıyldan beri memleket menshigine 47 536,43 gektar aýyl sharýashylyǵy jeri qaıtaryldy.
Almatyda sý qorǵaý aımaǵyndaǵy 17 jer ýchaskesi memleket menshigine qaıtaryldy.
Aqtóbede ıgerilmegen 36,6 myń gektar jer telimi memleketke qaıtaryldy.
