Pavlodar oblysynda mektep oqýshylaryna veıp satqan top ustaldy
ASTANA. KAZINFORM — QMA Pavlodar oblysy boıynsha departamenti elektrondyq tutyný júıelerin (veıpterdi), sondaı-aq olarǵa arnalǵan hosh ıistendirgishter men suıyqtyqtardy zańsyz satýmen aınalysqan uıymdasqan qylmystyq topqa qatysty tergeýdi aıaqtady.
Ónimderdi ótkizý Telegram messendjerindegi úsh onlaın-dúken arqyly kýrerlik jetkizý tásilimen júzege asyrylǵan.
Zańsyz aınalymnan jalpy quny 400 mln teńgeden asatyn 53 myńnan astam ónim birligi tárkilendi.
Qylmystyq jolmen alynǵan kiristi qolma-qol aqshaǵa aınaldyrý úshin kúdiktiler bank kartalary resimdelgen dropperlerdi paıdalanǵan.
Veıpterdiń negizgi tutynýshylary mektep oqýshylary men stýdentter bolǵan.
Sottyń sanktsııasymen qylmystan túsken tabysqa satyp alynǵan 3 avtokólikke («Toyota Land Cruiser», «Toyota Highlander», «Chevrolet Camaro») tyıym salyndy.
Tórt kúdikti qamaýǵa alyndy.
QR QPK-niń 201-babyna sáıkes ózge aqparat jarııa etýge jatpaıdy.
Aıta ketelik ShQO-da Telegram-arnalar arqyly satylmaq bolǵan 1 500-den astam veıp tárkilengen edi.