Pavlodar oblysynda maýsymdyq JRVI-ǵa shaldyqqandar sany azaıyp keledi

PAVLODAR. KAZINFORM — Sońǵy aptada vırýstyq ınfektsııa juqtyrǵandar sany 51%-ǵa azaıǵany tirkelgen. Jalpy aýyrǵandardyń 65%-y — balalar. 

Óńirlik sanıtarııalyq-epıdemıologtıalyq baqylaý departamentiniń málimetinshe, epıdemıologııalyq maýsym bastalǵaly JRVI-men aýyrýdyń 81 576 jaǵdaıy tirkelgen. Naýqastardyń deni, ıaǵnı 65%-y — 14 jasqa deıingi balalar.

— Qazirgi ýaqytta JRVI men tumaý boıynsha epıdemıologııalyq jaǵdaı maýsymdyq kezeńge sáıkes júrip jatyr. Sońǵy bir aptada JRVI-ǵa shaldyǵýdyń jańadan 8 715 jaǵdaıy anyqtalyp otyr. Bul munyń aldyndaǵy aptamen salystyrǵanda 51%-ǵa tómen. Aýrýǵa shaldyǵý dınıamıkasynyń tómendep kele jatqanyn baıqatady, — deıdi Pavlodar oblysynyń sanıtarııalyq-epıdemıologııalyq baqylaý departamenti basshysynyń orynbasary Zámzágúl Doşanova.

Bıylǵy maýsymda oblys aýmaǵynda gonkong tumaýyn juqtyrýdyń 45 deregi anyqtalǵan. Onyń 3-ýi sońǵy aptada tirkelgen. Mamandar aýrýǵa shaldyqqandardyń 23-i 14 jasqa deıingi balalar ekenin aıtady. Pavlodar qalasynda — 22, Ekibastuzda — 10, Aqsý qalasynda 2 jaǵdaı tirkelgen. Sondaı-aq Aqqýly, Pavlodar, Sharbaqty, tereńkól aýdandarynda tumaýdyń jańa túri belgili boldy.

«Ulttyq saraptama ortalyǵy» RMK fılıalynyń vırýsologııalyq zerthanasynda tumaýǵa tán emes 563 synama zerttelip, 7 jaǵdaıda rınovırýs, bokavırýs, koronavırýs juqtyrý jaǵdaılary anyqtalǵan.

Buǵan deıin Pavlodar óńirinde gonkong tumaýyna 42 adam shaldyqqany týraly jazǵanbyz.