Pavlodar oblysynda mas kúıde jol apatyn jasaǵan áıel qamaýǵa alyndy
AQTÓBE. KAZINFORM - Pavlodar oblysy Aqsý qalasynyń prokýratýrasy mas kúıinde kólik basqarý isin qaraý barysynda jalǵan júktilik anyqtamasyn paıdalaný faktisin anyqtady.
Tekserý barysynda áıeldiń júrgizýshi kýáliginsiz, alkogoldik masań kúıde jol-kólik oqıǵasyn jasaǵany belgili boldy. Sotqa onyń júkti ekendigi týraly anyqtama usynylyp, sonyń negizinde jaza jeńildetilip, ákimshilik qamaý aıyppulmen aýystyrylǵan.
Alaıda prokýratýra júrgizgen tekseris medıtsınalyq qujattyń jalǵan ekenin kórsetti.
Atalǵan fakti boıynsha Qylmystyq kodekstiń 416-baby negizinde sotqa deıingi tergep-tekserý bastaldy. Sonymen qatar polıtsııa qyzmetkerlerine qatysty da tergeý júrgizilip jatyr.
Aqsý prokýratýrasy quqyq buzýshylyqtyń saralanýyn jáne jaza túrin ózgertý týraly apellıatsııalyq ótinishhat engizip, aıyppuldy ákimshilik qamaýǵa aýystyrýdy talap etti.
Oblystyq sottyń apellıatsııalyq alqasynyń qaýlysymen quqyq buzýshy 20 táýlikke qamaýǵa alyndy.
Aıta keteıik, aqyly joldarda nómirin jasyrǵan júrgizýshilerdiń 2 myńǵa jýyq deregi anyqtaldy.
