Pavlodar oblysynda mal urlyǵyna kúdikti top ustaldy

Krımınaldyq polıtsııa qyzmetkerleri mal urlyǵynyń birneshe deregine qatysy bar degen kúdikpen bir top adamdy ustady. Olar aýdan turǵyndarynyń malyn júıeli túrde urlap otyrǵan. Birneshe aı ishinde kúdiktilerdiń mal urlyǵynyń bes epızodyna qatysy bary anyqtaldy. Urlanǵan maldyń qatarynda jylqy men iri qara bar.

— Jedel-izdestirý is-sharalarynyń nátıjesinde barlyq kúdiktiniń jeke basy anyqtaldy. Olardyń barlyǵy oblys turǵyndary bolyp shyqty. Mal satyp alýshylardyń biriniń turǵylyqty jerinde júrgizilgen tintý kezinde urlanǵan eki jylqy, bes iri qara jáne kólik quraldary tabylyp, tárkilendi, — dedi Pavlodar oblysy polıtsııa departamenti krımınaldyq polıtsııa basqarmasynyń bastyǵy Jaslan Tanjanov.

Tórt kúdiktige qatysty qamaýda ustaý túrindegi bultartpaý sharasy qoldanylsa, taǵy bir kúdiktige elden shyqpaý týraly qolhat berildi. Qazirgi ýaqytta sotqa deıingi tergep-tekserý amaldary jalǵasyp jatyr.

Sonymen qatar jedel ýákilder ustalǵandardyń osyǵan uqsas ózge de qylmystarǵa qatystylyǵyn tekserip jatyr.

Tergeý barysy polıtsııa departamenti basshylyǵynyń jeke baqylaýynda.

Aıta ketelik Jambyl oblysynda 34 mln teńgeniń maly urlanǵan edi.