Pavlodar oblysynda mal urlyǵymen aınalysqan top ustaldy
ASTANA. KAZINFORM — Pavlodar oblysynda krımınaldyq polıtsııa qyzmetkerleri mal urlyǵymen aınalysqan qylmystyq toptyń zańsyz áreketiniń jolyn kesti
Kúdiktiler Maı aýdanynda ustaldy. Olardyń avtokóligin tekserý barysynda qylmysqa qatysty zattaı dáleldemeler tabylyp, tárkilendi.
Arnaıy operatsııa nátıjesinde mal urlyǵyna qatysy bar degen kúdikpen eki adam anyqtaldy. Shyǵyn kólemi 1 mln teńgeden asady.
— Atalǵan fakti boıynsha qylmystyq is qozǵaldy. Kúdiktilerdiń biri ýaqytsha ustaý ızolıatoryna qamaldy, — dedi Pavlodar oblysy polıtsııa departamenti krımınaldyq polıtsııa basqarmasy bastyǵynyń mindetin atqarýshy Azat Qusaıynov.
Qazirgi ýaqytta olardyń osyǵan uqsas ózge de qylmystarǵa qatysy bar-joǵy tekserilip jatyr.
Eske salaıyq, buǵan deıin Túrkistan oblysynda alty aıda mal urlyǵynyń 48 deregi tirkelgenin habarlaǵan edik.
