Pavlodar oblysynda kúshti jel saldarynan ınfraqurylym nysandary zaqymdandy
PAVLODAR. KAZINFORM - 2026 jylǵy 21 shildede Pavlodar oblysynyń Ýspen aýdanynda qatty jeldiń saldarynan ınfraqurylym nysandary zaqymdandy, dep habarlaıdy aýdan ákimdigi.
Saǵat 15:55-te Qońyrózek aýyldyq okrýgine qarasty Qońyrózek, Chıstopol, Voznesenka jáne Nadarovka aýyldarynda 10 kV áýe elektr jelisiniń 7 baǵanasy zaqymdandy. Apattyq-qalpyna keltirý jumystaryn aýdandyq elektr jelileri (AEJ) júrgizip jatyr. 10 adam jáne 3 arnaıy tehnıka jumyldyrylǵan.
Sonymen qatar, saǵat 16:25-te Qońyrózek aýylynda qatty jeldiń saldarynan 12 jeke turǵyn úı men mádenıet úıiniń shatyry zaqymdandy. Zaqymdanǵan aýmaqtyń jalpy kólemi naqtylanyp jatyr. Qaza tapqandar men zardap shekkender joq.
-Oqıǵa ornynda jergilikti atqarýshy organ men tótenshe jaǵdaılar departamentiniń 27 qyzmetkeri jáne 5 tehnıkasy jumys istep jatyr. Qońyrózek aýylynda barlyǵy 650 turǵyn turady, 190 aýla bar. Jaǵdaı baqylaýda. Qolaısyz aýa raıynyń saldary naqtylanyp, zaqymdardy joıý jumystary jalǵasyp jatyr, -delingen habarlamada.
Osyǵan deıin Pavlodar oblysynda daýyldan 49 turǵyn úı búlingeni týraly jazdyq.
