Pavlodar oblysynda quny 100 mln teńgeden asatyn jer ýchaskesi memleket menshigine qaıtaryldy

ASTANA. KAZINFORM — Pavlodar oblysy Aqtoǵaı aýdany prokýratýrasy memleket múddelerin qorǵaý jáne jer resýrstaryn zańdy ári tıimdi paıdalaný boıynsha júrgizilgen jumys aıasynda jer zańnamasynyń talaptarynyń buzylýyn anyqtady.

Atap aıtqanda, taldaý barysynda «Janabet» sharýa qojalyǵyna tıesili aýyl sharýashylyǵy maqsatyndaǵy jerlerdiń uzaq ýaqyt boıy paıdalanylmaǵany anyqtaldy.

Aýdan prokýratýrasynyń usynysy boıynsha Jer resýrstaryn basqarý departamenti paıdalanylmaǵan ýchaskelerdi májbúrlep alý týraly talap-aryzdy oblystyq mamandandyrylǵan aýdanaralyq ekonomıkalyq sotqa joldady.

Sharýashylyq aınalymyna engizilmegen jerdiń jalpy aýmaǵy eki júz gektardan asty.

Jalǵa alý sharty buzylyp, ýchaskeler memlekettik menshikke qaıtaryldy.

Ákimdik qaýlysymen baǵalaý quny 100 mln teńgeden asatyn jer ýchaskesi memleket menshigine resimdeldi. 

Aıta ketelik quny 2,2 mlrd teńge orman qorynyń jeri memleketke qaıtaryldy.