Pavlodar oblysynda kóshi-qon zańnamasyn buzǵan 2 015 shetel azamaty jaýapqa tartyldy

Qazirgi ýaqytta oblys aýmaǵynda 8 654 sheteldik turaqty turyp jatyr. Byltyr 8,5 myńnan astam azamat polıtsııa organdaryna tirkelgen, dep habarlaıdy Kazinform.

Ózge elden kelip, zańsyz eńbek qyzmetin júzege asyrǵany úshin 490 azamat jáne sheteldik jumys kúshin zańsyz tartqany úshin 137 jumys berýshi jaýapqa tartylǵan.

«Al, jalpy kóshi-qon zańnamasyn buzǵany úshin ótken jyly 2015 sheteldik ákimshilik jaýapkershilikke tartyldy. Sot ózge eldiń 121 azamatyn el aýmaǵynan shyǵarý týraly sheshim qabyldady», - dep habarlady Pavlodar oblysy polıtsııa departamenti kóshi-qon qyzmetiniń bastyǵy Dáýlet Ysqaqov.

Byltyr Pavlodar oblysynda turyp jatqan 853 sheteldik QR azamattyǵyn alǵan.