Pavlodar oblysynda kólik qozǵalysyna shekteý qoıý týraly

ASTANA. KAZINFORM — Aýa raıynyń buzylýyna baılanysty Pavlodar oblysyndaǵy respýblıkalyq mańyzy bar eki jol ýchaskesine shekteý qoıyldy, dep habarlaıdy «QazavtoJol» UK baspasóz qyzmeti.

— 2025 jylǵy 22 qazanda saǵat 22:00–de Pavlodar oblysynda aýa raıynyń buzylýyna baılanysty respýblıkalyq mańyzy bar «Atameken — Ertis — Rýsskaıa Polıana» 0-152 sh q., (Atameken aýyly — Ertis aýyly), «Omby — Maıqapshaǵaı» 191-390 sh q., (RF shekarasy — Mıchýrıno aýyly) ýchaskelerinde kóliktiń barlyq túriniń qozǵalysyna shekteý qoıylady, — delingen habarlamada.

Shekteý qoıylǵan joldar týraly tolyq aqparatty www.qaj.kz saıtyndaǵy «Aqparattyq kartadan» kóre alasyzdar. 

Budan buryn Pavlodarda jaýǵan alǵashqy qar jol qozǵalysyn qıyndatqany anyqtaldy.