Pavlodar oblysynda qolaısyz aýa raıynda jolda qalǵan 43 adam qutqaryldy
PAVLODAR. KAZINFORM – Aýa raıynyń kúrt nasharlaýyna baılanysty Aqmola jáne Qaraǵandy oblystaryndaǵy respýblıkalyq mańyzy bar avtojoldarda kólik qozǵalysyna shekteý engizildi. Osyǵan baılanysty Pavlodar oblysynda polıtsııa qyzmetkerleri kúsheıtilgen rejımde jumys istep, jolda qalǵan azamattarǵa kómek kórsetti.
Pavlodar oblystyq polıtsııa departamentiniń málimetinshe, jol qozǵalysy qaýipsizdigin qamtamasyz etý maqsatynda patrýldik polıtsııa rotasynyń qyzmetkerleri táýlik boıy jol jaǵdaıyn baqylap, júrgizýshilerge baǵyt-baǵdar berip, avtokólikterdi bastap alyp júrgen.
- Ekibastuz qalasy aýmaǵynda polıtseıler jolda qalyp qoıǵan 43 azamatty, onyń ishinde 6 balany qaýipsiz jerge jetkizdi. Keıinnen Qazaqstan temir joly tarapynan qosymsha vagon bólinip, barlyq jolaýshy saparyn jalǵastyrǵan, - dep jazdy ІІM baspasóz qyzmetinen.
Polıtsııa qolaısyz aýa raıy kezinde alys jolǵa shyqpaýdy, jol qozǵalysy erejelerin qatań saqtaýdy, belgilengen jyldamdyq pen qaýipsiz araqashyqtyqty ustanýdy, sondaı-aq jolǵa shyǵar aldynda meteorologııalyq jaǵdaıdy mindetti túrde eskerýdi usynady.
Tótenshe jaǵdaı týyndaǵan jaǵdaıda 112 nemese 102 nómirlerine habarlasý qajet.
Aıta keteıik, Abaı oblysynda aýa raıy qolaısyzdyǵyna baılanysty jol jabyldy.
