Pavlodar oblysynda qyrkúıektiń alǵashqy onkúndiginde jylý berile bastaýy múmkin
PAVLODAR. KAZINFORM — Ertis-Baıan óńirinde jylý berý maýsymyn 9-10 qyrkúıekte bastaý josparlanyp otyr. Bul týraly oblystyq energetıka jáne turǵyn úı-kommýnaldyq sharýashylyq basqarmasynyń basshysy Erjan Imanzaıypov málimdedi.
Tamyz aıynda júrgizilgen gıdravlıkalyq synaqtar barysynda óńirdiń úsh qalasyndaǵy jylý jelilerinen 202 aqaý anyqtalǵan. Onyń basym bóligi Pavlodar qalasynda tirkeldi. Aqaýlardy tamyz aıynyń sońyna deıin tolyq joıý josparlanyp otyr. Al 1 qyrkúıekke deıin eldi mekenderdegi ystyq sýmen qamtamasyz etýdi qalpyna keltirý kózdelgen.
Qazirgi tańda oblystaǵy kóppáterli turǵyn úılerdiń 99%-y jylý berý maýsymyna daıyn. Áleýmettik nysandardyń daıyndyǵy 100%-ǵa jetken.
— Bizde jylý berý maýsymy ádette 9-10 qyrkúıekte bastalatyn. Bıyl da osy merzimdi saqtaımyz dep oılaımyn. Mundaǵy maqsat — eń áýeli áleýmettik nysandardy jylýmen qamtamasyz etý jáne jylý jelilerin retke keltirýge múmkindik alý, — deıdi Erjan Imanzaıypov.
Onyń aıtýynsha, jylý berý maýsymyn erte bastaý júıeni tolyq retteýge jáne kún sýyǵanǵa deıin apattyq jaǵdaılardyń sanyn barynsha azaıtýǵa múmkindik beredi.
Ótken jyldarmen salystyrǵanda turǵyndardyń jylýmen qamtýǵa baılanysty shaǵymdary úsh esege azaıǵan.
Buǵan deıin Qazaqstan jylý maýsymyna qanshalyqty daıyn ekenin jazǵanbyz.
Foto — Valerıı Býgaev
