Pavlodar oblysynda keler jyly 33 aýyldyń ákimi saılanady

PAVLODAR. KAZINFORM - Ertis-Baıan óńirindegi 355 aýyldyq eldi meken 126 derbes aýyldyq bıýdjetke biriktirilgen. Bıyl jergilikti ózin-ózi basqarý bıýdjetiniń kólemi 21,1 mlrd teńgeni qurady, bul ótken jylmen salystyrǵanda 21%-ǵa artyq. Bul týraly oblys ákimdiginen habarlandy. 

«Pavlodar oblysyndaǵy 355 aýyldyq eldi meken 126 derbes aýyldyq bıýdjetke biriktirilgen. Óńirde aýyldyq okrýgterdiń údemeli damýy baıqalady. Bıyl jergilikti ózin-ózi basqarý bıýdjetiniń kólemi 21,1 mlrd teńgeni qurady, bul ótken jylmen salystyrǵanda 21%-ǵa artyq. Ortasha alǵanda, aýyldyq bıýdjettiń qarjylyq qamtamasyz etilýi 9%-dy quraıdy jáne 90%-ǵa deıin joǵary turǵan bıýdjetterden sýbventsııamen jáne transferttermen óteledi. Bıyl oblystyq bıýdjetten 250-ge jýyq jobany iske asyrýǵa 6 mlrd teńgeden astam qarajat bólindi. Qarajat 117 aýylǵa bólinip, oblystyń barlyq aýyldarynyń úshten bir bóligi qamtamasyz etildi», - dep málimdedi oblys ákimdiginen.

Aýyldardy damytý men jańǵyrtýǵa «Aýyl - el besigi» memlekettik baǵdarlamasy sep bolyp otyr. Bıyl 15 aýyl qamtyldy. Bul - sý qubyrlaryn, sport nysandaryn, mádenıet úılerin jóndeý jáne salý, aýyldardy abattandyrý, aýyldardyń kirme joldaryna asfalt tóseý. Al «Aýyl amanaty» jobasy bıyl jańa kásiporyndar ashýǵa, qaıta óńdeý múmkindikterin keńeıtýge, mal basyn kóbeıtýge, sondaı-aq, 100-den astam jańa jumys oryndaryn ashýǵa múmkindik berdi.

«Kelesi jyly ákimderdiń saılaýy barlyq qalalar men aýdandarda ótedi. Bıyl 30 aýyldyq ákimi saılanyp qoıyldy. Endi 33 aýyldyń ákimi saılanady», - dep atap ótildi ákimdikten. 

Eske sala keteıik, Pavlodar oblysynda 400-den astam memlekettik qyzmetshi jetispeıdi.