Pavlodar oblysynda qaıtarylǵan qarajatqa 13 áleýmettik nysan salyndy
ASTANA. KAZINFORM – Pavlodar oblysynda prokýratýra organdary memleketke qaıtarǵan qarajat esebinen 13 áleýmettik mańyzy bar joba iske asyryldy.
Іske asyrylǵan jobalardyń qatarynda Aqsý qalasyndaǵy sýmen jabdyqtaý jelilerin qaıta jańǵyrtý, Baıanaýyl aýdanynyń Shomankól jáne Shonaı aýyldarynda sý qubyrlaryn salý, Ertis aýdanynyń Lenın aýylyndaǵy dárigerlik ambýlatorııanyń ashylýy, Ekibastuz qalasyna qarasty Baıet aýylyndaǵy feldsherlik-akýsherlik pýnkttiń, Kúrkól, Myńkól jáne Ivanovka aýyldaryndaǵy medıtsınalyq pýnktterdiń qurylysy, sondaı-aq Pavlodar qalasyndaǵy sharýashylyq-aýyz sýmen jabdyqtaý júıesin jańǵyrtý.
Atalǵan jobalardy iske asyrý medıtsınalyq kómektiń qoljetimdiligin arttyrýǵa, turǵyndardy sapaly aýyz sýmen qamtamasyz etýge jáne myńdaǵan otbasynyń turmys sapasyn jaqsartýǵa múmkindik berdi.
Aıta ketelik Almatyda qaıtarylǵan aktıvter esebinen 49,3 km sý jáne káriz jelisi jańartylǵan edi.
