Pavlodar oblysynda qar qursaýynda qalǵan jolaýshylar qutqaryldy

PAVLODAR. KAZINFORM — 112 pýltine Jasybaı demalys aımaǵynan 10 shaqyrym jerde jolaýshylary bar jeńil avtokólik qar qursaýynda qalyp qoıǵany týraly habarlama túsken.

Baıanaýyl aýdanynda qar qursaýynda qalyp qoıǵan jolaýshylar qutqaryldy. Olar jeńil avtokólikpen jolǵa shyǵyp, boranda turyp qalǵan.

— 112 pýltine Jasybaı demalys aımaǵynan 10 shaqyrym jerde jolaýshylary bar jeńil avtokólik qar qursaýynda qalyp qoıǵany týraly habarlama túsken. Oqıǵa ornyna kelgen qutqarýshylar 4 adamy bar kólikti joldyń tazartylǵan ýchaskesine súırep shyǵardy. Medıtsınalyq kómek eshkimge qajet bolmady. Júrgizýshi qutqarýshylarǵa alǵysyn bildirdi, -dep habarlady Tótenshe jaǵdaılar mınıstrliginiń baspasóz qyzmetinen.

Tótenshe jaǵdaı qyzmetiniń mamandary júrgizýshilerge saparǵa shyǵar aldynda aýa raıy boljamyn baqylap, yqtımal jaǵdaılar úshin qajetti zattardy ózimen birge alyp júrýge keńes beredi.

Buǵan deıin TJM qutqarýshylary Shyǵys Qazaqstanda qar qursaýynda qalǵan 4 adamdy qutqarǵan bolatyn.