Pavlodar oblysynda qar qursaýynan 30-ǵa jýyq adam qutqaryldy
ASTANA. KAZINFORM – Túnde Ertis aýdanynda «Atameken – Ertis – RF shekarasy» avtojolynda qar qursaýynda qalǵan adamdar mingen kólikter shyǵaryldy. Bul týraly Tótenshe jaǵdaılar mınıstrligi habarlady.
Barlyǵy 7 adam, onyń ishinde qar tazalaý tehnıkasynyń júrgizýshisi qutqaryldy. Olardyń barlyǵy Ertis aýylyna jetkizildi. Sharbaqty aýdanynda qar qursaýynda qalǵan avtokólik súıretilip shyǵarylyp, 6 adam Sharbaqty aýylyna jetkizildi.
Baıet aýylyna kireberis jolda qutqarýshylar joldan shyǵyp ketken kólikke kómektesip, 4 adamdy eldi mekenge deıin jetkizdi. Pavlodar aýdanynda jolda qar qursaýynda qalǵan avtokólik shyǵarylyp, 2 jolaýshy Chernoıarka aýylyna jetkizildi.
Sondaı-aq Ekibastuz qalasynda qutqarýshylar jol talǵamaıtyn kólikpen dárigerlerge Qurylysshy aýylyndaǵy tórt jastaǵy balaǵa jetýge kómektesti.
- TJM azamattardy qolaısyz aýa raıy kezinde eldi mekenderden tys jerge shyqpaýǵa shaqyrady, - delingen habarlamada.
Aıta keteıik, «QazAvtoJol» ulttyq kompanııasy eldegi joldardyń qazirgi ahýaly týraly habarlaǵan edi.
