Pavlodar oblysynda «Qamqorlyq» aılyǵy bastaldy
PAVLODAR. KAZINFORM - Aktsııa sheńberinde kez kelgen azamat muqtaj adamdarǵa kómek kórsete alady. Sondaı-aq, eriktiler qoldaýǵa zárý jalǵyzbasty zeınetkerlerdiń úı sharýasyna qolǵabys jasaıdy.
Pavlodar oblysynda «Qamqorlyq» aılyǵy bastaldy. Aılyq sheńberinde kásipkerler men demeýshiler, jeke azamattar osal toptaǵy azamattarǵa azyq-túlik sebetin úlestirip, túrli kómek kórsetedi. Eriktiler men ózge de nıet bildirgender jalǵyzbasty zeınetkerlerge úı sharýasyna kómektesedi.
Búginde Pavlodar oblysy boıynsha 65 jastan asqan 85 myńnan astam qarııa bar. Halyqaralyq qarttar kúnine oraı, óńirdiń 20 myńnan astam turǵyny áleýmettik kómek aldy. Birjolǵy tólem esep shottaryna aýdaryldy.
- Halyqaralyq qarttar kúninde oblys boıynsha qalalar men aýdandardyń bıýdjet esebinen eń tómengi zeınetaqy alatyn zeınetkerlerge 2 aılyq eseptik kórsetkish mólsherinde birjolǵy kómek tólendi. Sondaı-aq 80 jastan asqan zeınetkerlerge 3 aılyq-eseptik kórsetkish mólsherinde osyndaı tólemder júrgizildi. Oblys boıynsha 20 myńnan astam zeınetker álgindeı materıaldyq kómekpen qamtyldy,-deıdi óńirlik jumyspen qamtý jáne áleýmettik baǵdarlamalar basqarmasynyń bas mamany Venera Demeýbaeva.
Eske sala keteıik, jańa jyldan bastap asyraýshysynan jáne eńbek qabiletinen aıyrylǵandar járdemaqysy ósedi.
