Pavlodar oblysynda KamAZ-ǵa soǵylǵan mınıven júrgizýshisi kóz jumdy
PAVLODAR. KAZINFORM - Pavlodar oblysynda KamAZ-ǵa soǵylǵan mınıven júrgizýshisi kóz jumdy. Taǵy eki adam túrli jaraqatpen aýrýhanaǵa jatqyzylǵan.
Polıtsııa Astana-Pavlodar avtojolynyń Qalqaman aýyly mańynda bolǵan oqıǵa boıynsha saraptama taǵaıyndap, tekserý júrgizip jatyr.
«11 sáýir kúni túngi ýaqytta Astana qalasynyń turǵyny Toıota Estıma markaly mınıvenmen kele jatyp, rólge ıe bola almaı, KamAZ tirkemesiniń artqy jaǵyna soǵylǵan. Jol-kólik oqıǵasy saldarynan Toıota júrgizýshisi sol jerde qaıtys boldy. Eki jolaýshy túrli jaraqattarmen aýrýhanaǵa jatqyzyldy. Bul fakti boıynsha tekserý júrgizilip, qajetti saraptamalar taǵaıyndaldy», - dep habarlady Pavlodar oblysy polıtsııa departamentiniń baspasóz qyzmetinen.
Vedomstvo mınıven men KamAZ aıyp turaǵyna qoıylǵanyn málimdedi.
Polıtsııanyń dereginshe, jyl basynan beri Pavlodar oblysynyń aýmaǵynda 124 jol-kólik oqıǵasy bolyp, saldarynan 7 adam qaza tapqan. Sondaı-aq, 162 adam jaraqat aldy.
