Pavlodar oblysynda esirtki saýdasymen aınalysqan 24 azamat sottaldy
PAVLODAR. KAZINFORM – Sottalǵandar ınternet-dúkender arqyly esirtki satýmen shuǵyldanǵan. Olardan jalpy salmaǵy 424 kılogramnan astam esirtki túrleri tárkilengen.
Byltyr jergilikti sottar 24 azamatty esirtki bıznesimen aınalysqany úshin sottady.
Ustalǵandardyń kóbi esirtkini qala kóshelerinde jasyryp ketýmen shuǵyldanǵan. Sıntetıkalyq esirtkiniń iri partııalaryn qabyldaı otyryp, zańsyz jolmen bólshek saýdaǵa shyǵaryp otyrǵan.
- Sot otyrystary barysynda aıyptalýshylarǵa 78 epızodty qylmys jasady degen aıyp taǵyldy. Ustalǵandardan 424 kılogramnan astam esirtki tárkilendi. Olardy polıtsııa vedomstvosynyń esirtki qylmysyna qarsy is - qımyl jónindegi qyzmetkerleri ustaǵan. 24 azamat túrli merzimge bas bostandyǵynan aıryldy- dedi Pavlodar oblysy polıtsııa departamenti bastyǵynyń orynbasary Bolat Nurseıitov.
