Pavlodar oblysynda eshqandaı qujaty joq 6 bala tabyldy
PAVLODAR. KAZINFORM - Qazirgi ýaqytta búldirshinder anasymen birge oblystyq aýrýhanaǵa jetkizilip, dárigerlik tekserýden ótip jatyr. Olar – bir otbasynyń balalary.
Balalardyń eń úlkeni 2016 jyly, eń kishkenesi byltyr ǵana dúnıege kelgen. Al ata-anasy sheteldik azamattar ekeni anyqtaldy. Bul týraly Pavlodar oblysy densaýlyq saqtaý basqarmasynyń baspasóz qyzmetinen habarlady.
«Pavlodar qalasynda polıtsııa, prokýratýra, densaýlyq saqtaý, halyqty áleýmettik qorǵaý jáne bilim berý bólimderiniń mamandary birlesken reıd júrgizý barysynda kámelet jasyna jetpegen 6 balany asyrap otyrǵan sheteldik otbasyny anyqtady. Balalardyń týǵan jyldary 2016-2023 jyldar aralyǵyn qamtıdy. Olar eshbir AHAT organdarynda zańdy túrde tirkelmegen, ıaǵnı týý týraly kýáligi jáne JSN-deri joq. Densaýlyq saqtaý jáne bilim berý nysandarynda bekitilmegen. Bul Qazaqstan Respýblıkasynyń zańnamasyn buzý bolyp tabylady», - dep málimdedi departamentten.
Qazir balalar anasymen birge oblystyq balalar arýhanasyna jatqyzylyp, dárigerlik baqylaýǵa alyndy. Aýrýhana dırektorynyń orynbasary Irına Orsagoshtyń aıtýynsha, otbasy músheleriniń barlyǵyn dárigerler tekserip shyqqan. Densaýlyq jaǵdaılary turaqty, biraq dárigerlik baqylaý men kútimdi qajet etedi.
Jergilikti memlekettik organdar búldirshinderge týý týraly kýálik pen JSN, sondaı-aq otbasyǵa QR aýmaǵynda ýaqytsha turýǵa ruqsat beretin qujattardy resimdeýge járdemdesip jatyr.
