Pavlodar oblysynda birlesken kásiporyndar metallýrgııa, hımııa, tamaq ónerkásibinde shoǵyrlanǵan
PAVLODAR. KAZINFORM - Ertis-Baıan óńirinde reseılik kompanııalarmen birlesken 860-tan astam kásiporyn jumys isteıdi.
Birlesken kásiporyndar mashına jasaý, metallýrgııa, hımııa, tamaq ónerkásibi jáne saýda-sattyq salalarynda jıi kezdesedi.
- Qos eldiń birlesken kásiporyndarynyń tabysty bıznes-yntymaqtastyǵynyń jarqyn ókilderi «Railways Systems KZ» JShS (baǵyttama ónimderin, joldyń joǵarǵy qurylymynyń elementterin jáne temir jol quramyna arnalǵan jıyntyqtaýyshtardy óndiredi), «Vektor Pavlodar» JShS (avtomobıl dıskilerin shyǵarady), «ROSSDORCOM KZ» JShS (daıyn metall buıymdaryn nemese jartylaı fabrıkattardy óndirý, presteý, shtamptaý jáne ılemdeý), «Kazcenospheres» JShS (qýys alıýmınıı sılıkatty mıkrosfera óndirisi) jáne taǵy basqalary. Reseılik kompanııalar ózderiniń saýda ortalyqtaryn, fılıaldary men ókildikterin Pavlodar, Ekibastuz, Aqsý qalalarynda ashyp otyr, - dep habarlady óńirlik kásipkerlik jáne ındýstrııalyq-ınnovatsııalyq damý basqarmasynan.
Eske sala keteıik, Ózbekstanda qazaqstandyq kapıtalmen jumys isteıtin kompanııalar kóbeıdi.