Pavlodar oblysynda bir táýlikte 433 jol qozǵalysy erejesin buzý deregi tirkeldi
ASTANA. KAZINFORM — Ótken táýlikte óńir polıtseıleri 1021 quqyq buzýshylyqtyń jolyn kesti.
Pavlodar oblysynda «Zań jáne tártip» qaǵıdatyn iske asyrý aıasynda qoǵamdyq qaýipsizdik pen jol qozǵalysy qaýipsizdigin qamtamasyz etý baǵytyndaǵy jumystar úzdiksiz júrgizilýde.
Ótken táýlikte óńir polıtseıleri 1021 quqyq buzýshylyqtyń jolyn kesti. Onyń ishinde jol qozǵalysy qaǵıdalaryn buzýdyń 433 deregi anyqtaldy. Sondaı-aq alty júrgizýshiniń kólik quralyn mas kúıinde basqarǵany belgili boldy.
Kún saıyn patrýldik polıtsııa rotasy men batalonynyń qyzmetkerleri qoǵamdyq tártipti saqtaý jáne jol qaýipsizdigin qamtamasyz etý úshin kúsheıtilgen rejımde qyzmet atqarady.
— Negizgi nazar krımınogendik ahýaly kúrdeli aýmaqtar men adamdar kóp jınalatyn qoǵamdyq oryndarǵa aýdarylady. Patrýldik polıtsııa táýlik boıy qyzmet etip, turǵyndarmen tyǵyz baılanysta jumys isteıdi. Inspektorlar jol qozǵalysy qaǵıdalarynyń saqtalýyn baqylaýmen qatar, oqıǵa oryndaryna birinshi bolyp jetip, qoǵamdyq tártipti qamtamasyz etedi jáne qylmystardy jedel ashýǵa yqpal etedi. Anyqtalǵan barlyq quqyq buzýshylar zańǵa sáıkes jaýapkershilikke tartylyp, kólik quraldary arnaıy aıyp turaǵyna qoıyldy, — dedi Pavlodar oblysy polıtsııa departamenti ákimshilik polıtsııa basqarmasynyń bastyǵy Bakıbaı Ahmedıanov.
Aıta ketelik Pavlodar qalasynda jol-kólik oqıǵasynan eki adam qaza tapqan edi.
