Pavlodar oblysynda boryshkerlerden 21 mln teńgeden astam qarajat óndirildi
PAVLODAR. KAZINFORM - Óńirde «Boryshker» jedel-profılaktıkalyq is-sharasy aıaqtaldy. Birqatar kólikter aıyppul turaǵyna qoıyldy.
Polıtseıler jedel-profılaktıkalyq is-shara aıasynda oblys turǵyndarynan 21 mıllıon teńgeden astam qarajat óndirip aldy. Ákimshilik aıyppuldar boıynsha boryshkerlerdiń 27 avtokóligi mamandandyrylǵan turaqqa qoıyldy.
«50 myńǵa jýyq adamǵa ákimshilik aıyppuldar boıynsha bereshekteri týraly habarlandy. Bul degenimiz, azamattar ózderiniń kólik salyǵy umytylmaǵanyna kóz jetkizdi. Máselen, Daimler Chrysler markaly avtokóligimen jol qozǵalysy erejelerin buzǵan oblys ortalyǵynyń turǵyny anyqtaldy. Bul júrgizýshide jalpy somasy 200 myń teńgeden astam ákimshilik aıyppuldar bolǵan. Avtokólik bereshek tolyq ótelgenge deıin aıyppul turaǵyna qoıyldy», - dep habarlady Pavlodar oblysy Polıtsııa departamenti ákimshilik polıtsııasynyń bastyǵy Borıs Álimbaev.
Buǵan qosa páterler men aýlalardy aralaý barysynda boryshkerlermen aıyppuldardy belgilengen merzimde tóleý qajettiligi týraly túsindirme áńgime júrgizildi. Ákimshilik aıyppuldardy májbúrlep óndirip almaý úshin polıtseıler aıyppuldy ýaqytyly tóleýdi usynady.
