Pavlodar oblysynda boranda qalǵan jolaýshylar qutqaryldy

Ertis aýdanynan oblys ortalyǵyna bet alǵan jeńil kólikte 4 adam bolǵan. Jolda kóliktiń jetek beldigi úzildi, dep habarlaıdy Kazinform. 

Óńirlik Tótenshe jaǵdaı departamentiniń baspasóz qyzmeti málim etkendeı, avtokólik Yntymaq aýylynyń janynda toqtap qalǵan. Avtokólik jetek beldigi úzilgeni sebepti baǵytyn jalǵastyra almaǵan.

«Jolaýshynyń ekeýi jolaı kezdesken ózge avtokólikke otyryp ketken. Al qalǵan eki adam qutqarýshylardy shaqyrdy. Bizdiń qyzmetkerler bet qaratpas úskirikte tońyp qalǵan jolaýshylardy Ertis aýylyna jetkizdi», - dep habarlady Tótenshe jaǵdaı departamentinen.

Pavlodar oblysynda búgin keshkilik birqatar avtojol jabylyp jatyr. Óńir aýmaǵynda bet qaratpas boran turdy. Oǵan qosa aıaz kúsheıip keledi.