Pavlodar oblysynda bıyl orman órtteriniń sany eki ese artqan

PAVLODAR. KAZINFORM - Biraq ormandy alqaptarynda janyp ketken jerlerdiń kólemi ótken jylmen salystyrǵanda 50 ese az ekeni anyqtaldy.

Ertis-Baıan óńirindegi orman sharýashylyqtarynda bıyl 100 orman órti tirkelgen. Jalpy aýmaǵy 108,7 gektar jerdi jalyn sharpyǵan, onyń ishinde 41,5 gektary - ormanmen kómkerilgen jerler. Órtterdiń negizgi sebebi — naızaǵaıdyń túsýi (87% jaǵdaı).

- 2024 jylmen salystyrǵanda órt oqıǵalarynyń sany eki ese artqan. Biraq janǵan jerlerdiń jalpy aýmaǵy shamamen 50 esege az. Ótken jyly 46 órt tirkelip, jalpy aýmaǵy 5002,1 gektar jer janyp ketken edi, - deıdi óńirlik orman sharýashylyǵy jáne janýarlar dúnıesi aýmaqtyq ınspektsııasy bóliminiń basshysy Shamıl Elýbaev.

«Ertis ormany» rezervatynda - 80, Baıanaýyl ulttyq parkinde - 11, al jer qoınaýyn paıdalaný jáne qorshaǵan ortany qorǵaý basqarmasyna qarasty mekemelerde - 9 jaǵdaı tirkelgen.

Aıta keteıik, byltyr 62,7 myń gektardy sharpyǵan 609 orman órti tirkeldi.