Pavlodar oblysynda balabaqshada oryn bola tura, balalar qabyldanbaǵan

ASTANA. KAZINFORM — Pavlodarda azamattardyń ótinishi boıynsha prokýratýra balalardyń konstıtýtsııalyq quqyqtaryn qalpyna keltirdi, dep habarlaıdy oblystyq prokýratýranyń baspasóz qyzmeti.

Ýspen aýdanynyń prokýratýrasy Konstantınovka aýyly turǵyndarynyń ótinishin qaraý barysynda balalardyń mektepke deıingi bilim alýǵa qoljetimdilik jónindegi konstıtýtsııalyq quqyqtarynyń buzylǵanyn anyqtady.

Balabaqshada toptyń normatıvtik syıymdylyǵy 26 oryn bola tura, mekeme dırektory tárbıelenýshilerdi qabyldaýdy negizsiz túrde 20 balamen shektegeni belgili boldy. Saldarynan jalpy úı sany 200-den aspaıtyn aýyldyq okrýgte zańsyz túrde 9 baladan turatyn kezek qalyptasqan. 

— Qadaǵalaý aktisin qaraý qorytyndysy boıynsha zań buzýshylyqtar joıyldy: buryn kezekte turǵan balalar mektepke deıingi uıymǵa qabyldandy, medıtsınalyq qujattama belgilengen talaptarǵa sáıkestendirildi. Balabaqsha dırektory qatań tártiptik jaýapkershilikke tartyldy, — delingen habarlamada.

Osydan buryn balabaqshalarda 103 myń pedagog bar ekenin jazdyq.