Pavlodar oblysynda avtojoldardy tekserý nátıjesinde 200-ge jýyq aqaý tirkeldi

PAVLODAR. KAZINFORM - Pavlodar oblysyndaǵy avtojoldardy tekserý nátıjesinde 200-ge jýyq aqaý anyqtalyp, kemshilikterdi joıý boıynsha polıtsııa tarapynan 137 nusqama berildi. 

Jyl basynan beri Ertis-Baıan óńiriniń polıtsııasy 3 031 shaqyrym jalpyǵa ortaq paıdalanylatyn avtojoldardyń kúıin tekserdi. Anyqtalǵan olqylyqtar boıynsha 137 nusqama berildi. 

- Avtojoldardy qanaǵattanarlyqsyz deńgeıde ustaǵany, sondaı-aq joldarda jumys júrgizý qaǵıdalaryn buzǵany úshin 21 laýazymdy jáne zańdy tulǵa jaýapqa tartyldy. Olarǵa 800 myń teńgeden astam aıyppul salyndy. Mysaly, joldarda jumystar júrgizý, joldar men jol qurylystaryn kútip ustaý erejelerin buzǵany úshin Aqtoǵaı jáne Tereńkól aýdandaryndaǵy TKSh bóliminiń basshylary ákimshilik jaýapkershilikke tartyldy. Olar vedomstvolyq baǵynysty ýchaskeni kútip ustaý boıynsha talaptardy oryndamaǵan. Sheneýnikterdiń árqaısysyna 39 320 teńge aıyppul salyndy, - dep habarlady óńirlik polıtsııa departamentiniń baspasóz qyzmetinen.

Osyǵan uqsas olqylyqtar respýblıkalyq mańyzy bar «Pavlodar – Qyzylorda» avtojolynda da kezdesken. Jol paıdalaný basqarmasynyń basshysy jaýapkershilikke tartylyp, 36 920 teńge somasyna aıyppul arqalady.

Eske sala keteıik,byltyr joldyń sapasyna qatysty 40 myńnan astam aryz-shaǵym túsken bolatyn.