Pavlodar oblysynda aýyldyq aýrýhanada sýmen jabdyqtaý baǵasy zańsyz kóterilgeni anyqtaldy

PAVLODAR. KAZINFORM — Prokýrorlyq tekserý nátıjesinde sýmen jabdyqtaıtyn kásiporyn basshysy ákimshilik jaýapkershilikke tartyldy. Tarıftik saıasat zań talaptaryna sáıkestendirildi. 

Ertis aýdanynyń prokýratýrasy tabıǵı monopolııalar salasyndaǵy zańnamanyń saqtalýyn tekserý barysynda «Ertis-aýyzsý» ShJQ KMK qyzmetinde tarıftik saıasat, azamattardyń eńbek quqyqtary jáne salyq zańnamasy boıynsha eleýli zań buzýshylyqtardy anyqtaǵan.

— Kásiporyn tarapynan densaýlyq saqtaý nysanyna qatysty sýmen jabdyqtaý qyzmetterine negizsiz joǵary tarıfter qoldanylǵany anyqtaldy. Ekinshi toptaǵy tutynýshylarǵa arnalǵan tarıftiń ornyna aýrýhanaǵa bıýdjet uıymdary úshin belgilengen tarıf qoldanylǵan. Bul tabıǵı monopolııalar salasyndaǵy tarıfterdi qalyptastyrý jáne baǵa belgileý qaǵıdalarynyń talaptaryna qaıshy keledi, — dep habarlady óńirlik prokýratýradan.

Tekserý nátıjesinde kásiporyn basshysy ákimshilik jaýaptylyqqa tartylǵan. 

Budan bólek, kásiporyn 21 mln teńge kólemindegi salyq bereshegin ótedi, sondaı-aq prokýrorlyq qadaǵalaý aktisi boıynsha 31 qyzmetkerge 3,6 mln teńge mólsherinde eńbekaqy tólendi.

Eske sala keteıik, Aqtóbeniń prokýrorlary 3,2 mlrd teńge bıýdjet qarajatynyń negizsiz jumsalýyna tosqaýyl boldy.