Pavlodar oblysynda aýdandyq mádenıet úıiniń 69 qyzmetkerine 28 mln teńge jarna tólenbeı kelgen
ASTANA. KAZINFORM – Pavlodar oblysynyń Pavlodar aýdandyq mádenıet úıiniń 69 qyzmetkerine mindetti zeınetaqy jarnalary, áleýmettik aýdarymdar jáne basqa da tólemder boıynsha 28 mln teńgeden astam bereshek tolyq óteldi.
Pavlodar oblystyq prokýratýrasy baspasóz qyzmetiniń habarlaýynsha, zań buzýshylyq Pavlodar aýdany prokýrorynyń turǵyndarmen jáne eńbek ujymdarymen ótken kóshpeli kezdesýi barysynda azamattardyń ótinishi negizinde anyqtaldy.
Tekserý barysynda býhgalterlik eseptegi kemshilikter saldarynan 69 qyzmetker úshin mindetti zeınetaqy jarnalary, áleýmettik aýdarymdar jáne basqa da tólemder ýaqytyly aýdarylmaǵany belgili boldy. Bereshektiń jalpy somasy 28 mln teńgeden asty.
Prokýratýranyń usynymyn qaraý nátıjesinde barlyq qyzmetker aldyndaǵy bereshek tolyq óteldi.
Kináli laýazymdy tulǵalar ákimshilik jaýaptylyqqa tartyldy.
Osylaısha, kóshpeli kezdesý barysynda azamattardyń ótinishi negizinde qyzmetkerlerdiń eńbek quqyqtaryna qatysty zań buzýshylyq anyqtalyp, tıisti tólemderdiń tolyq ótelýi qamtamasyz etildi.
Osyǵan deıin Qostanaı oblysynda 392 jumysshyǵa 711 mln teńge jalaqy bereshegi anyqtalǵan bolatyn.
