Pavlodar oblysynda Artsport jobasyna 2,7 mlrd teńge bólingen
PAVLODAR. KAZINFORM - Atalǵan joba nátıjesinde óńir boıynsha 14 myń bala sportpen jáne shyǵarmashylyqpen shuǵyldanýǵa múmkindik aldy. Taǵy 6 myńnan asa bala oryndardyń bosaýyn kútip otyr.
Byltyr «Artsport»-qa 1,9 mlrd teńge bólinse, bıyl bul soma 800 mln teńgege ulǵaıa túsken.
«Qazirgi ýaqytta Pavlodar oblysy boıynsha 14 myńdaı bala baǵdarlamanyń ıgiligin kórip otyr. Ótken jyly qyzmet usynýshylar sany 81 bolsa, bıyl olardyń qatary 118-ge jetti. Bir balaǵa – bir vaýcher beriledi. Balalar kóp, biz olardyń barlyǵyn qamtýǵa tyrysamyz. Sondyqtan bir vaýcherden artyq berilmeıdi dep sheshtik», - dep atap ótti óńirlik dene shynyqtyrý jáne sport basqarmasy basshysynyń orynbasary Nurlan Esembaev.
Joba boıynsha bala kez kelgen sport nemese shyǵarmashylyq úıirmeni tańdap, onyń aqysyn memlekettik bıýdjet kóteredi.
