Pavlodar oblysynda An-2 ushaǵy qulady
PAVLODAR. KAZINFORM - QR Kólik mınıstrliginiń aqparaty boıynsha, ushaq apaty 2026 jylǵy 27 mamyr kúni Pavlodar oblysy Jelezın aýylynyń mańynda bolǵan.
Oqys oqıǵa kezinde «Jeńil jáne asa jeńil avıatsııa paıdalanýshylary» (ELISA) zańdy tulǵalar birlestigi paıdalanatyn An-2 áýe kemesi qulaǵan. Ushaq avıatsııalyq-hımııalyq óńdeý jumystaryn júrgizip jatqan. Aldyn ala málimetter boıynsha, ushaq elektr taratý jelilerine tıip ketken.
Bortta eki adam bolǵan, olardyń biri apat saldarynan qaza boldy. Tótenshe jaǵdaılar departamentiniń qyzmetkerleri ekinshi ushqyshty shyǵaryp aldy, ol aman.
— Qoldanystaǵy zańnamaǵa sáıkes bul avıatsııalyq oqıǵany Qazaqstan Respýblıkasy Kólik mınıstrliginiń Kóliktegi oqıǵalar men apattardy zertteý jónindegi departamenti zertteýi tıis. Oqıǵa ornyna departament qyzmetkerleri jiberildi, — dep habarlady QR Kólik mınıstrliginen.
Eske sala keteıik, 2026 jyly Pavlodar oblysynda shybyn-shirkeıge qarsy kúres alǵash ret drondardyń kómegimen júrgizile bastady.
