Pavlodar oblysynda alıment tólemegen 24 boryshker qylmystyq jaýapqa tartyldy

ASTANA. KAZINFORM – Pavlodar oblysynda bıyl 5 mlrd teńgeden astam alıment óndirilip, bereshegin tóleýden jaltarǵan 24 adam qylmystyq jaýapkershilikke tartyldy, dep habarlady prokýratýra.

132 neplatelşıka alımentov arestovalı v Shymkente s nachalo goda
Foto: freepik.com

Óńir prokýratýrasy sot oryndaýshylarymen, polıtsııa jáne jumyspen qamtý organdarymen birlesip, alıment boıynsha bereshekti óndirip alý jáne balalardyń quqyqtaryn qorǵaý baǵytynda sharalar qabyldap jatyr.

Vedomstvo málimetinshe, jyl basynan beri 5 mlrd teńgeden astam alıment jáne bıýdjet aldyndaǵy 1 mlrd teńge bereshek óndirilgen.

Bereshek tóleýden jaltarǵandarǵa yqpal etý maqsatynda «Kıber-sherıf» júıesine boryshkerlerge tıesili 300-den astam avtokólik týraly málimet engizildi. Onyń 67-si arnaıy turaqtarǵa qoıylǵan.

Máselen, alıment boıynsha bereshegi bar azamattyń avtokóligi 1,4 mln teńge qaryzdy ishinara óteý esebinen óndirip alýshyǵa berildi.

Al Aqsý qalasynda taǵy bir boryshkerdiń 1,3 mln teńge bereshegi úshin avtokóligi saýda-sattyqqa shyǵarylǵan.

Budan bólek, jalpy quny 12,8 mln teńge bolatyn úsh jyljymaıtyn múlik óndirip alýshylarǵa berildi.

– Іs-sharalar barysynda izdeýde júrgen 14 boryshker anyqtaldy. Olardyń biri balalaryna 9 mln teńge alıment bereshegin ótemegen. Prokýratýra qabyldaǵan sharalardan keıin qaryz tolyq óteldi, – delingen prokýratýra habarlamasynda.

Qadaǵalaý organy boryshkerlerdi jalǵan izdestirý derekterine de erekshe nazar aýdarǵan.

Prokýrorlar 404 boryshkerge qatysty 148 atqarýshylyq is boıynsha osyndaı zańbuzýshylyqtardyń jolyn kesti.

Sonymen qatar alıment tóleýdiń ornyna qarajatyn qumar oıyndarǵa jumsaǵan boryshkerler de anyqtaldy.

Júrgizilgen jumystardyń nátıjesinde 225 boryshker ákimshilik, al 24 adam qylmystyq jaýapkershilikke tartylǵan.

Aıta keteıik, buǵan deıin Aqtaýda alıment boryshkerlerine qatysty 11 qylmystyq is tirkelgeni habarlanǵan bolatyn. Qala prokýratýrasynyń málimetinshe, jyl basynan beri alıment alýshylardyń paıdasyna 134,8 mln teńge óndirilip, boryshkerlerdiń eki páteri, bir jer ýchaskesi jáne úsh avtokóligi bereshek esebine óndirip alýshylarǵa berilgen.