Pavlodar oblysynda alaıaqtyqpen aınalysqan qylmystyq top ustaldy
PAVLODAR. KAZINFORM – Alaıaqtyqpen aınalysqan qylmystyq top jeke azamattarǵa 25 mln teńgeden astam qarjylaı shyǵyn keltirgen. Olardyń arasynda Aqsý qalasynyń eki turǵyny bar.
Alaıaqtar uzaq ýaqyt boıy Aqsý qalasynyń turǵyndaryn, onyń ishinde Aqsý ferroqorytpa zaýytynyń qyzmetkerlerin aldap, úlken kólemdegi aqshalaı qarajatty ıemdengen. Olardyń arasynda jergilikti 2 azamat bolǵan.
Top múshelerin Pavlodar oblysy prokýratýrasynyń úılestirýimen oblystyq polıtsııa vedomstvosynyń uıymdasqan qylmysqa qarsy kúres basqarmasynyń jedel qyzmetkerleri ustady.
- Ustalǵandardyń alaıaqtyq boıynsha 6 faktige qatysy bar, turǵyndarǵa 25 mıllıon teńgeden astam iri shyǵyn keltirgen. Sondaı-aq, olardyń oblys aýmaǵyndaǵy ózge de faktilerge qatysy tekseriledi. Kúdiktiler ýaqytsha qamaý mekemesine ornalastyryldy, sotqa deıingi tergeý júrip jatyr, - dep habarlady Pavlodar oblysy polıtsııa departamentiniń uıymdasqan qylmysqa qarsy kúres basqarmasy bastyǵynyń mindetin atqarýshy Dıas Qadyrov.